Nant yr Arian

Mae’r ardal goedwig hon yn cynnwys un o brif gyfleusterau hamdden yr Ardal Goedwig: Canolfan Ymwelwyr Coedwig Bwlch Nant yr Arian (ar agor 10yb i 5yh yn yr haf, 10.30yb i’r machlud yn y gaeaf). Mae’r goedwig ar lun pedol uwchben dyffryn dwfn sydd yn ymestyn pob cam i’r môr 10 milltir i ffwrdd. Mae’r golygfeydd yn aruthrol, ac mae rhywbeth ar gael i bawb yn y teulu yma, o deithiau cerdded dynodedig a llwybrau beicio mynydd i wylio’r Barcudiaid Cochion yn cael eu bwydo bob dydd. Mae lluniaeth ysgafn ar gael yn y Ganolfan Ymwelwyr.