Pen-Bre

Pen-bre yw un o goedwigoedd tywyn Prydain, coetiroedd sydd yn anarferol ac sydd o ddiddordeb mawr i naturiaethwyr. Mae'r goedwig yn Warchodfa Natur yn cynnwys mil hectar. Mae'n gartref i lawer o rywogaethau botanig prin, 35 o rywogaethau o ieir bach yr haf, llawer o adar cân ymfudol yn ogystal ag adar ysglyfaethus yn cynnwys y gwalch glas a'r gwyddwalch. Mae coedwig Pen-Bre hefyd yn rhan o Safle o Ddiddordeb Gwyddonol Arbennig.