Parc Coedwig Afan

Mae Cwm Afan ymhlith y cymoedd byrraf, mwyaf cul a phrydferth yng Nghymru. Mae'n 15 milltir o flaen y cwm ym Mwlch yr Afan i'r môr yn Aberafan.

Mae'r Parc yn nythu ar lethrau'r cwm ac mae'n cynnwys cymunedau Pontrhydyfen, Cymer a Glyncorrwg yn ogystal â 11,000 hectar o goedwig - o gopaon gwyntog i ddyffrynnoedd gleision disglair.

Mae swn cnocell y coed yn croesawu ymwelwyr i Gwm Afan, yn lle bwrlwm swn y diwydiannau a fu unwaith yn nodweddiadol o'r llethrau hyn. Mae coetiroedd aeddfed yn gorchuddio olion hen byllau glo, tramffyrdd a rheilffyrdd. Mae coed llydanddail brodorol yn ffynnu ar y llethrau îs ac mae nentydd a fu unwaith yn ddu â llwch y glo yn llifo'n loyw.

Archwiliwch y Parc Coedwig trwy ddilyn y llwybrau coedwig ar eich traed neu'ch beic, neu dewiswch y llwybrau dynodedig cerdded neu feicio a fydd yn mynd â chi i'r golygfannau gorau a nodweddion mwyaf diddorol o Ganolfan Parc Goedwig Afan a'r meysydd parcio yn Rhyslyn a Thy-Maen.