Pont Melin Fach

Picnics, coedwigoedd a rhaeadrau

Mae’r safle picnic hwn yn fan cychwyn delfrydol i edrych o gwmpas coetiroedd a rhaeadrau cwm Nedd Fechan.  Mae Llwybr Elidir (3 milltir) yn cychwyn o’r maes parcio yma ac yn anelu i lawr yr afon, gan orffen ym mhentref Pontneddfechan.  Gofynnwch i rywun fynd â chi i’r maes parcio er mwyn osgoi mynd yn ôl yr un ffordd.  Y rhaeadr gyntaf y dewch ar ei thraws yw Sgwd y Ddwli.  Gallwch fynd i weld Sgwd Gwladus hefyd ond i chi adael y llwybr am ychydig hanner ffordd drwy’r daith.

Mae hon yn ardal bwysig iawn i fywyd gwyllt.  Canfuwyd dros 600 o blanhigion gwahanol yma, yn cynnwys casgliadau eithriadol o fwsoglau, rhedyn a chennau.  Cadwch lygad am y trochwr (aderyn bach tywyll gyda brest wen sy’n cerdded o dan y dŵr)

Byddwch yn ofalus wrth y dŵr gan y gall yr afonydd fod yn beryglus.  Mae’r dŵr yn aml yn oer, yn ddwfn ac yn llifo’n gyflym.  Mae’r tir gerllaw’r rhaeadrau yn serth, yn arw ac yn llithrig hefyd.  Cadwch at y llwybrau er mwyn osgoi erydu diangen.