Craig Dinas

Powdwr gwn a rhaeadrau

Mae’r maes parcio yma’n ddelfrydol fel man cychwyn i edrych o gwmpas cymoedd Afon Mellte, naill ai ar y Llwybr Powdwr neu Lwybr Sgwd yr Eira llwybrau Sain MP3, y ddau rhan o gyfres o Lwybrau Sain MP3 Bro'r Sgydau. Mae’r safle’n boblogaidd iawn gan ganolfannau gweithgareddau awyr agored sy’n cynnal gweithgareddau cerdded a dringo ceunentydd felly gall parcio fod yn broblem i hwyrddyfodiaid. 

Wrth gerdded i fyny’r llwybr ger afon Mellte, byddwch yn dod yn ymwybodol o’r adeiladau diwydiannol a oedd yn rhan o’r hen waith powdwr gwn.  Mae Neuadd Bentref Pontneddfechan 50m i ffwrdd o faes parcio Craig Dinas.  Ar rai penwythnosau mae caffi a thoiledau ar gael yn y neuadd.

Byddwch yn ofalus wrth y dŵr gan y gall yr afonydd fod yn beryglus.  Mae’r dŵr yn aml yn oer, yn ddwfn ac yn llifo’n gyflym.  Mae’r tir gerllaw’r rhaeadrau yn serth, yn arw ac yn llithrig hefyd.  Cadwch at y llwybrau er mwyn osgoi erydu diangen.