Pont y Pair

Pont y Pair

Coedwig o gewri a phorth i nifer o lwybrau 
Fe blannwyd y Ffynidwydd Douglas anferth o amgylch Betws y Coed fel coed ifanc yn y 1920au a bellach maent yn pwyso dros 10 tunnell yr un.

Medrwch gerdded o faes parcio Pont y Pair i edrych ar y coed enfawr ysblennydd ar eu gorau drwy ddilyn y llwybr troed a'r llwybrau estyllod rhwydd ar hyd glannau afon Llugwy.

Archwiliwch y dirwedd hynafol ac amrywiol yn y cyffiniau ar dri llwybr (gydag arwyddion) Comisiwn Coedwigaeth Cymru sy’n cychwyn o’r pen yma i Fetws y Coed. Maent yn mynd â chi drwy lechweddau coediog, heibio i fwyngloddiau, llynnoedd, dolydd, clogwyni a nentydd.

I ddod o hyd i fan cychwyn y llwybrau dilynwch y ffordd darmac, gan fynd tua'r gorllewin (troi eich cefn ar Fetws y Coed) am tua 150m, yna cymerwch y ffordd darmac gyntaf ar y dde am 180m hyd at dro siarp. Ceir arwyddion ar y llwybrau o'r fan yma.