Hiraethog

Mae’r goedwig hon i’r de-orllewin o Ruthun, ac mae’n ymestyn dros 6000 hectar (15000 erw). Er ei bod yn goedwig fasnachol mae yma ddigon o le i chi fwynhau gwahanol weithgareddau a’r tawelwch pur. Dyma un o noddfeydd olaf y Wiwer Goch. Mae’n ardal eang o goed conifferaidd. Ceir yma lawer mwy o rywogaethau nag sy’n arferol mewn coedwigoedd o’r fath, yn enwedig Sbriws Norwy, Pinwydd a Llarwydd. Mae adeiledd y goedwig yr un mor amrywiol, ac yn cynnwys mannau clir lle buwyd yn torri coed yn ogystal â chlystyrau o goed sbriws a phinwydd a blannwyd dros ddeng mlynedd a thrigain yn ôl.