Llyn Crafnant

Llyn Crafnant  

Porth at un o’r golygfeydd hyfrytaf yng Ngogledd Cymru
Mae Llyn Crafnant yn llyn 3/4 milltir o hyd (wel, cronfa ddŵr, a dweud y gwir) sy’n gorwedd mewn dyffryn hardd lle mae ymyl ogleddol Coedwig Gwydyr yn cwrdd â llethrau isaf mynyddoedd y Carneddau ac, yn fwy penodol, crib Cefn Cyfarwydd.

Mae pen y dyffryn yn cynnig yr hyn y gellid ei ystyried yn un o’r golygfeydd hyfrytaf, ar draws y llyn at y mynyddoedd uwchlaw, yng Ngogledd Cymru.

Daw enw Crafnant o “craf”, hen air Cymraeg am arlleg, a “nant”. Hyd yn oed heddiw mae dyffryn Afon Crafnant yn arogleuo o arlleg gwyllt pan fydd yn ei flodau.

Mae gennym faes parcio a thoiledau ychydig cyn cyrraedd y llyn. Mae yma gaffi preifat ar lan y llyn (ar agor o’r Pasg tan ddiwedd yr haf) lle gallwch logi cychod. Ni chaniateir cychod preifat na nofio.

Rhowch gynnig ar y ddwy daith drwy’r goedwig o’r fan hon