Comisiwn Coedwigaeth
i dudalen gartref Cymru

Llwybr Fishpools

Am Llwybr Fishpools

Wrth adael y maes parcio, mae’r llwybr yn mynd heibio i hen dŵr gwylio Bwrdd Dŵr Birmingham. Arferai’r tŵr hwn gael ei ddefnyddio i arolygu llinell y bibell o Gwm Elan i Ganolbarth Lloegr, sy’n bwydo dŵr trwy ddisgyrchiant i gronfa Frankley i’r gorllewin o Birmingham, ac mae’n rhyw 73 milltir o hyd.

Ychydig ymlaen, mae’r cyntaf o ddwy olygfan ar y llwybr; gellir eistedd ar fainc yno i fwynhau’r golygfeydd hardd i’r gorllewin, ar draws y cwm tuag at Lanfihangel Rhydieithon, a’r bryniau o gwmpas Abaty Cwm Hir a Llandrindod yn y pellter.

Mae dolen Turberry hanner ffordd ar hyd y llwybr, sef ardal ag iddi werth cadwraeth uchel sy’n rhoi cynefin gwerthfawr yn y goedwig, gan fod ynddi’r math o lystyfiant a gafwyd cyn pori dwys â defaid a phlannu coed. Mae llwybr byrrach yn ôl i’r maes parcio o’r pwynt hwn; dilynwch yr arwyddion.

Ymhellach ymlaen ar y llwybr, mae mainc wrth yr ail olygfan i allu mwynhau’r golygfeydd i’r dwyrain, i lawr dros bentref Bleddfa a thuag at gwm Llugwy, a’r hen safle brwydr ym Mhyllalai yn y pellter. Oddi yma, â’r llwybr tuag i lawr a thrwy ardal â chonifferau mawr, sy’n dipyn o gyferbyniad i’r coed cymharol ifainc. Mae’r coed aeddfed yma’n gynefin nythu delfrydol i adar ysglyfaethus mawr fel y Boda a’r Gosog. Mae’r llwybr yn mynd yn ei flaen allan ac i ffwrdd o’r conifferau mawr yma, i gwblhau’r llwybr cylchol yn ôl i’r maes parcio. Nid yw’r daith gerdded yn llafurus iawn, ond argymhellir gwisgo esgidiau cerdded synhwyrol.

Sut i gyrraedd:

Penybont, Presteigne, a Knighton yw'r trefi neu'r pentrefi agosaf.

Mae'r mynedfa tua 6 milltir o Penybont ar yr A488.

Cyfeirif Grid yr OS: SO188683
I gael gwybodaeth am gludiant cyhoeddus ewch i http://www.cymraeg.traveline-cymru.info/

Bywyd Gwyllt

Mamaliaid: Mae'r ardal gyfan yn llawn bywyd gwyllt a dylech gadw llygad ar agor am Iwrch, Llwynogod a'r Mochyn Ddaear yn enwedig yn y bore bach neu'r prynhawn hwyr. Mae gennym wybodaeth am y canlynol: Mochyn daear

Adar: Mae llawer o adar gyda'r Pila Gwyrdd a'r Groesbig i fyny yn uchel yn y goedwig yn bwydo ar conifferiaid. Wrth ochrau'r goedwig ceir bwncathod a barcudiaid sydd yn dod yn mwy gyfarwydd yn yr ardal yma. Mae gennym wybodaeth am y canlynol: Barcud coch

Graddfa llwybr:
Stout waterproof footwearModerateeasy access
Dynodiad llwybr:
green
Hyd y llwybr:
2.7 milltir
Amser bras am y llwybr:
2 awr
Ar agor neu ar gau:
Ar agor Rhan o llwybr yma ar gau ar hyn o bryd oherwydd Gweithrediadau Coedwigo. Sylwch ar yr arwyddion lleol os gwelwch yn dda
Cliciwch yma i gael gwybodaeth am weithgareddau a digwyddiadau yn y goedwig yma.

Cyswllt:
Nick Whythe
Rheolwr Ardal Lleol
0300 068 0300
e-bost: nick.whythe@forestry.gsi.gov.uk

Beth sydd o ddiddordeb

Rhybudd - Gall y llwybrau fod yn llithrig oherwydd y tywydd gwael. Cymerwch ofal pan fyddwch yn y goedwig. Dylid gwisgo esgidiau addas ar bob adeg.

Mae’r rhan hon o’r Gororau wedi’i thrwytho mewn hanes. Os ewch chi ychydig filltiroedd heibio pentref Bleddfa fe ddowch chi at safle brwydr Bryn Glas (Pilleth) lle trechodd Owain Glyndŵr, Tywysog Cymru, luoedd Edmund Mortimer, yn dilyn un o’r brwydrau niferus a ymladdwyd ar hyd y rhan hon o’r ffin rhwng Cymru a Lloegr.

A fyddech mor garedig a gwneud yn siŵr fod yr ardal rydych am ymweld â ddim ar gau oherwydd gwaith ar ei hanner neu ddigwyddiad yn cael ei gynnal , drwy ymweld â wefan CCW fel y diffiniwyd gan Ddeddf Hawliau Tramwy Cefn Gwlad 2000. Rhybudd - Gall y llwybrau fod yn llithrig oherwydd y tywydd gwael. Cymerwch ofal pan fyddwch yn y goedwig. Dylid gwisgo esgidiau addas ar bob adeg.

Roedd Coedwig Maesyfed hefyd yn un o’r Meysydd Hela Brenhinol mewn cyfnod pan fyddai uchelwyr yn hela ceirw a bleiddiaid ac, yn ôl y chwedl, ym Mleddfa y lladdwyd y blaidd olaf yng Nghymru.

A fyddech mor garedig a gwneud yn siŵr fod yr ardal rydych am ymweld â ddim ar gau oherwydd gwaith ar ei hanner neu ddigwyddiad yn cael ei gynnal , drwy ymweld â wefan CCW fel y diffiniwyd gan Ddeddf Hawliau Tramwy Cefn Gwlad 2000. Rhybudd - Gall y llwybrau fod yn llithrig oherwydd y tywydd gwael. Cymerwch ofal pan fyddwch yn y goedwig. Dylid gwisgo esgidiau addas ar bob adeg.

Mewn cyfnod mwy diweddar, penderfynodd Cwmni Dŵr Birmingham adeiladu argaeau yng Nghwm Elan, a chafodd y beipen a oedd yn cludo dŵr i Ganolbarth Lloegr ei gosod ar hyd y cwm hwn. Mae tŵr a oedd gysylltiedig ag alinio’r beipen i’w weld o hyd yn y goedwig.

A fyddech mor garedig a gwneud yn siŵr fod yr ardal rydych am ymweld â ddim ar gau oherwydd gwaith ar ei hanner neu ddigwyddiad yn cael ei gynnal , drwy ymweld â wefan CCW

fel y diffiniwyd gan Ddeddf Hawliau Tramwy Cefn Gwlad 2000.