Am Llwybr y Rhaeadrau
O'r maes parcio, cerddwch trwy'r bwa pren a wnaed ar ffurf par o fwyeill a'u pennau'n sownd mewn plocyn o bren. Mae'r naill ar ffurf maenfwyell i gynrychioli hanes hynafiaethol yr ardal, y llall yn fwyell fodern sydd yn cynrychioli coedwigaeth heddiw.
Mae'r llwybr yn arwain i lawr at Afon Hafren, gyda llwybr estyll yn mynd a chi ar hyd glannau'r afon. Yma mae'r coed yn sefyll yn dal ac yn fawreddog gyda heulwen fraith dros wyneb y dwr. Mae'r llwybr yn arwain at y Rhaeadr sydd yn rhoi'i enw i'r rhodfa hon. Mae llwyfan uchel yn rhoi lle ichi eistedd i fwynhau'r olygfa. Defnyddiwyd y pwll dwfn o dan y rhaeadr gan genedlaethau o fugeiliaid i olchi eu defaid. Ar y glannau ochr draw mae olion ou corlannau i'w gweld o hyd.
O fan hyn mae llwybr y Rhaeadr yn symud i ffwrdd o lannau'r afon trwy'r coetir. O fan hyn y mae'r llwybr yn eich arwain yn ol i'r maes parcio. Dyluniwyd y llwybr mewn partneriaeth a Chymdeithasau lleol i'r Anabl. Mae'n hawdd ei ddilyn, ac mae'r arwyneb yn ei wneud yn ddelfrydol ar gyfer pob oedran a gallu.
Sut i gyrraedd:
Llanidloes yw'r dref neu'r pentref agosaf.
O ganol tref Llanidloes trowch i wynebu Neuadd y Farchnad o Ffordd y Dderwen Fawr a dilynwch Ffordd y Bont Fer yn union gyferbyn. Dilynwch y ffordd gul i'r Hen Neuadd. Mae safle picnic Rhydybenwch 6 milltir i'r gorllewin o Lanidloes. Mae modd ei gyrraedd hefyd o ben gogleddol Llyn Clywedog ar y ffyrdd bach.
Cyfeirif Grid yr OS: SN 857 869
I gael gwybodaeth am gludiant cyhoeddus ewch i http://www.cymraeg.traveline-cymru.info/
Bywyd Gwyllt
Adar: O bosibl byddwch yn cael cip ar Foda'n cylchynu uwchben neu Wyddwalch yn hela ar ymyl y goedwig. O bryd i'w gilydd bydd Sgrech y Coed yn fflachio'n las ymhlith y coed ac mae'r Trochydd yn ymwelydd cyson a'r afon. O bryd i'w gilydd cewch weld haid o'r Groesbig yn bwydo ar gonau'r coed.
Cynefinoedd: Mae'r dwr clir yn rhoi bywyd i'r ystod o fwsogl, cen a rhedyn a warchodir gan y llwybr estyll. Mae nentydd bychain yn croesi'r llwybr yn aml a nhw sydd yn cynnal yr awyrgylch gwlyb a'r llystyfiant cysylltiedig. Yn ystod yr hydref, cadwch lygad allan am wahanol fathau o fadarch a ffwng y goedwig.
| Safle Picnic Rhydybenwch: Cyfleusterau. |
    |
| Graddfa llwybr: |
  |
Dynodiad llwybr:
|
| Hyd y llwybr: ½ milltir |
| Amser bras am y llwybr: Hanner awr |
| Ar agor neu ar gau: Ar agor |
| Cliciwch yma i gael gwybodaeth am weithgareddau a digwyddiadau yn y goedwig yma. |
Cyswllt: |
| Jim Ralph Rheolwr Ardal Lleol 0300 068 0300 e-bost: jim.ralph@forestry.gsi.gov.uk |
