Y Wal

Dyma rai o'r disgyniadau trac unigol gorau yn y DU. Mae'r llwybr i bob pwrpas yn croesi ochr Ogleddol Dyffryn Afan ar drac unigol sy'n amrywio o ran ei natur o gyflym, agored a rhwydd i dynn, technegol a gwreiddiog.

Cewch sawl golygfa arbennig dros y dyffryn a'r arfordir, ac mewn rhai mannau gall y llethrau serth deimlo'n agored iawn.

Mae'r ffordd tuag at y trac unigol yn rhannu rhan o'r llwybr seiclo isel i deuluoedd a llinell yr hen reilffordd, felly cofiwch ystyried y llu o bobl eraill sy'n defnyddio'r goedwig wrth reidio, os gwelwch yn dda.

          -------------------------

2/9/11 Mae adrannau newydd y llwybr ar 'Y Wal' yn awr wedi agor ac wedi cael eu henwi

Alpha - o'r danffordd ger y ganolfan ymwelwyr i lawr at y bont

Elevator - o'r bont i fyny at y Llwybr Rheilffordd / Llwybr Coch ger yr hen bont

Omega - o'r Llwybr Rheilffordd / Llwybr Coch i lawr at y bont.

Yr adrannau hyn o'r llwybr yw'r rhannau cyntaf o lwybrau'r Ganolfan Ragoriaeth / Cytrasedd sydd wedi cael eu hariannu ac y mae llawer mwy i ddod.

SYLWER: Darllenwch y tudalen 'Graddau Llwybrau' cyn cychwyn ar y llwybr i wneud yn siwr mai'r llwybr hwn yw'r un gorau i'ch lefel o ffitrwydd a phrofiad.

Gall llwybrau fod yn llithrig yn ystod tywydd garw. Cymerwch ofal yn y goedwig. Dylid gwisgo esgidiau addas ar bob adeg.