Llwybr Beicio Cwm Afan

Mae’r llwybr hwn, sydd ar lethr graddol, yn dilyn llwybr llydan gwastad yr hen reilffordd a fu unwaith yn cludo teithwyr a glo ar hyd y cwm. Mae 14 milltir o hen lwybr rheilffordd a ffordd goedwig yn cysylltu cymunedau Pont-rhyd-y-fen a Blaengwynfi ac yn troelli drwy goedwig a mannau agored a oedd unwaith yn seidins rheilffordd. Mae hen orsaf Cynonville wedi cael ei throi yn gysgodfan a safle barbeciw, ac mae nifer o feinciau a byrddau picnic ar hyd y llwybr fel y gallwch aros i fwynhau’r olygfa.