Llwybr y Grib

Mi fydd rhai o'r lwybrau ar gau am rhai wythnosau ar gyfer gwaith cwympio coed.  Dilynnwch pob arwydd os gwelwch yn dda (Tachwedd 09)

Mae'r llwybr godidog hwn yn dechrau o Ganolfan yr Ymwelwyr gan roi golygfeydd anhygoel ar ei hyd. Gan ddechrau ar hyd y gefnen uchel sydd yn edrych i lawr ar Nant yr Arian, mae'r llwybr yn codi i olygfan faen lle mae'r golygfeydd yn ymestyn o ddyffrynnoedd Rheidol a Melindwr, Bae Ceredigion y tu hwnt i Aberystwyth, a Phumlumon, mynydd uchaf y Canolbarth. Ar ben pellaf y daith y mae llynnoedd Blaenmelindwr a Phendam sydd yn cynnig cyfle i chi weld amrywiaeth o adar dwr gan gynnwys hwyaid gwylltion ac, yn y gaeaf, hwyaid llygad aur. Mae'r daith yn ôl i Fwlch Nant yr Arian ar hyd llwybr coedwig tawel lle mae modd i chi weld adar mân fel Dryw'r Helyg, yr Yswidw Benddu a'r Eurben. Mae llawer o ieir bach yr haf i'w gweld, gan gynnwys y modrwyog, brith y coed a llwyd y ddôl. Yn yr haf, mae llus bach yn gorchuddio'r llethrau serth hyn.