Llwybr Gogerddan
Brasgamwch ar y llwybr hwn wedi gadael y man picnic cysgodol ar lan y nant. Ar ôl mynd heibio i rai coed mawr iawn byddwch yn dringo drwy goetiroedd sy’n adnabyddus am eu blodau prydferth yn y gwanwyn. Caiff y coetir ei enwi ar ôl Plas Gogerddan sydd gerllaw, sef hen blasdu teulu Pryse a oedd yn berchenogion mawr ar weithfeydd arian a phlwm.
Sut i gyrraedd:
Llwybr Gogerddan can be started from Safle Picnic Gogerddan in Gogerddan Allt Ddel. Penrhyncoch yw'r dref neu'r pentref agosaf.
O Aberystwyth: Cymerwch yr A44 i gyfeiriad Llangurig. Ar ôl i chi fynd trwy Gapel Dewi byddwch yn dringo rhiw. Wrth ddisgyn, cadwch lygad allan am groesffordd ar y gwaeold a throwch i'r dde am Benrhyncoch. Ewch heibio tai gwydr anferth ar y dde, gan anwybyddu arwyddion am Swyddfeydd y Comisiwn Coedwigaeth ym Mhenrhyncoch ar y chwith, ac ewch heibio rhes o dai ar y chwith. Bydd mynedfa'r maes parcio'n ymddangos yn sydyn ar y chwith ar ôl y ty olaf., O'r Dwyrain: Cymerwch yr A44 i gyfeiriad Aberystwyth. Tua 3 km ar ôl Penllwyn Capel Bangor cymerwch yr A4159 am Fachynlleth ar y dde. Ar ôl i chi fynd trwy Gapel Dewi byddwch yn dringo rhiw. Wrth ddisgyn cadwch lygad allan am groesffordd ar y gwaelod a throwch i'r dde am Benrhyncoch. Ewch heibio tai gwydr anferth ar y dde, gan anwybyddu arwyddion am Swyddfeydd y Comisiwn Coedwigaeth ym Mhenrhyncoch ar y chwith, ac ewch heibio rhes o dai ar y chwith. Bydd mynedfa'r maes parcio'n ymddangos yn sydyn ar y chwith ar ôl y ty olaf.
Cyfeirif Grid yr OS: SN 718 813
