Llwybr Hir Coedwig Nash

Fe ddechreua’r daith ddiddorol yma o’r maes parcio. Dechreuwch ddringo’n araf bach drwy’r goedwig gan ddilyn yr arwyddion coch, nes cyrhaeddwch ffordd y goedwig. Edrychwch allan am olion moch daear, llwynogod, ysgyfarnogod ac anifeiliaid gwyllt arall yn enwedig ar hyd llethrau, cysgodol isaf y goedwig.

Unwaith rydych ar ffordd y goedwig fyddwch yn medru mwynhau’r golygfeydd gogoneddus yn ôl dros Lanandras ac ymhellach at fynyddoedd y Gororau Cymreig yn y pellter. Dilynwch y ffordd am dipyn bach ac yna mae yna gyfle i chi ddilyn y ffordd fer i lawr y mynydd (saethau glas) ac yn ôl i’r maes parcio neu medrwch gario ymlaen ar y llwybr coch sydd yn dechrau dringo i fyny i fan uchaf y goedwig.

O’r fan yma fedrwch edrych tua’r de at ddyffryn Maesyfed ac yn y pellter Swydd Henffordd. O’ch blaen mae Burfa Bank hen fryngaer yr Oes Haearn, un o lawer ohonynt ar y goror Saesneg/Cymraeg. I’r de orllewin fedrwch weld fforest Maesyfed yn y pellter gyda siâp nodedig bryn Whimple a thref Maesyfed yn y dyffryn islaw. Ar y rhan yma’r daith mae gennych siawns o weld un o’r Iyrchod sydd yn byw yn y goedwig. Mae coedwig Nash yn gynefin delfrydol i weld Boncathod a Gosogion.

O’r fan yma fyddwch yn mynd i lawr y mynydd drwy wahanol goetiroedd a chynefinoedd dydd yn cynnal amrywiaeth o rywogaethau o adar e.e. Pilaod Gwyrddion a Croesbigau sydd yn ffynnu ar goed mawr ffynidwydd Douglas a Urddasol sy’n dwyn conau. Yng ngwaelod yn goedwig fyddwch yn ymuno gyda ffordd y goedwig ac ar y chwith tŷ Cold Harbour, un o’r hen dyddynnod lle’r oedd gweithwyr lleol yn arfer byw ond nawr mae wedi cael ei foderneiddio.

Wrth gyrraedd ddiwedd y daith ddewch ar gyfyl ardal gymysg o goetir sydd â choedlan fawr o gollen, sydd yn gynefin delfrydol i’r pathew warchodedig. O’r fan yma mae gennych daith fer yn ôl i’r maes parcio.