Llwybr Coed Alltfedw

Gan gychwyn o faes parcio'r Gelli Ddu, dilynwch yr arwyddion yn ôl ar hyd y ffordd gyhoeddus. Mae'r llwybr yn arwain yn serth i fyny'r rhiw o dan goed Poplys, heibio cronfa ddwr fach a thrwy goetir cymysg a blannwyd ym 1949/50, gan ddod allan ar safle hen gaer Alltfedw sydd yn cynnig golygfeydd hardd ar draws y bryniau a'r dyffrynnoedd. Er bod magwyr uchel y gaer yn fylchog, mae'r olion yn drawiadol. Yn feithrinfa coed gynt a blannwyd â Ffynidwydd llwydlas am goed Nadolig, 'roedd y llecyn yn boblogaidd iawn gydag ieir bach yr haf. Wrth i'r coed aeddfedu lleihaodd niferoedd y trychfilod, ond rheolir y llecyn unwaith eto i ffafrio dychweliad y Paun, y Fantell Goch, Brith y Coed, y Copor Bach, a rhywogaethau'r Brithion a ffynnai yma gynt.