Mae Comisiwn Coedwigaeth Cymru wedi gosod fideos cyffrous o’r awyr o’r coetir yng Nghoed y Brenin a Bwlch Nant yr Arian ar ei wefan, sy’n golygu bod pobl yn gallu cael y profiad o hedfan dros y safleoedd poblogaidd hyn o gysur eu cartrefi eu hunain.
Mae fideos y ddau leoliad, ger Dolgellau ac Aberystwyth, yn cynnwys ffilm o’u llwybrau beicio mynydd a’u llwybrau cerdded sydd o safon fyd-eang, ynghyd â golygfeydd trawiadol sy’n llwyddo i ddal prydferthwch cynhenid yr ardaloedd hyn.

I weld y fideos, ewch i www.forestry.gov.uk/wales, ac wedyn dilynwch y ddolen i’r canolfannau ymwelwyr.