Os daw Comisiwn Coedwigaeth Cymru i wybod bod gwaith yn digwydd heb ei gydsyniad (yn amodol ar Reolau AEA), neu fod ymgeisydd yn torri telerau cydsyniad a roddwyd yn flaenorol, gallwn gyflwyno Rhybudd Gorfodi er mwyn cywiro’r sefyllfa.
Dogfen gyfreithiol yw’r Rhybudd Gorfodi. Os nad yw rhywun y cyflwynwyd rhybudd iddo yn cydymffurfio â’r telerau a ysgrifennir yn y Rhybudd, mae hyn yn drosedd. Gellir ar ôl collfarn ddiannod eu dirwyo o swm hyd at £5000.
I bwy y gellir cyflwyno Rhybudd Gorfodi
Gellir cyflwyno Rhybudd Gorfodi i:
- y sawl sydd ynglŷn â’r gwaith, y contractwr o bosibl;
- perchen yr eiddo; neu
- unrhyw un arall sydd â diddordeb digonol yn yr eiddo (caniatáu iddynt wneud y gwaith heb fod angen iddynt gael caniatâd gan neb arall) .
Yr hyn y mae’r Rhybudd Gorfodi yn ei nodi
Mae’r Rhybudd Gorfodi’n gofyn i rywun gymryd un neu fwy o’r camau canlynol:
- gwneud cais i’r Comisiwn Coedwigaeth am gydsyniad;
- dychwelyd y tir i’r cyflwr yr oedd ynddo cyn gwneud unrhyw waith ar y prosiect perthnasol;
- gwneud unrhyw waith ar y tir sydd yn angenrheidiol o fewn rheswm i sicrhau cydymffurfio â thelerau’r cydsyniad;
- symud neu leddfu unrhyw ddifrod neu niwed i’r amgylchedd a achoswyd gan y prosiect o dan sylw; a/neu
- atal y gwaith mewn perthynas â’r prosiect perthnasol.
Pryd y gellir cyflwyno Rhybudd Gorfodi
Gall y Comisiwn Coedwigaeth gyflwyno Hysbysiad Gorfodi pan ddônt i wybod bod rhywun:
- yn gwneud neu wedi gwneud gwaith lle’r roedd angen cydsyniad; a/neu
- yn torri amod cydsyniad a roddwyd eisoes.
Hyd y rhybudd
Gall yr hysbysiad nodi’r cyfnod y mae’n rhaid cymryd unrhyw un o’r pedwar mesur cyntaf a nodwyd yn y rhestr uchod. Gellir nodi cyfnodau gwahanol ar gyfer camau gwahanol.
Dirwyon
Os nad yw rhywun yn cydymffurfio â Rhybudd Gorfodi yna mae’n euog o drosedd a gall, ar ôl collfarn ddiannod, gael ei ddirwyo o swm hyd at yr uchafswm statudol.
Asesu Effaith Prosiectau Coedwigaeth ar yr Amgylchedd (472k - pdf)
Sut mae paratoi Datganiad Amgylcheddol (635k - pdf)
Ffurflen Benderfyniad (73k - pdf)
