Amlinellir isod y camau ar gyfer cael ein barn a’r hyn sy’n digwydd nesaf.
Darganfod a oes arnoch angen ein cymeradwyaeth
Llenwch y Ffurflen Benderfynu (gweler isod) a’i hanfon atom ynghyd â:
- Map neu gynllun digonol i nodi’r tir lle arfaethir cynnal y prosiect a maint y prosiect (Defnyddiwch fap Ordnans y clir ar raddfa o 1:10,000 neu 1:2,500);
- Disgrifiad byr o’r gwaith a afaethir; a
- Gwybodaeth arall a allai fod yn berthnasol.
Gallwch anfon copi o’ch cynllun grant neu’ch cais am drwydded cwympo coed gyda’r map.
Pryd y gallwch ddisgwyl ein penderfyniad
Ni allwn wneud penderfyniad nes cael yr holl wybodaeth berthnasol. Gallwn ofyn i chi am wybodaeth bellach yn ychwanegol at yr hyn yr ydych wedi ei roi i ni eisoes.
Yn ôl y Rheoliadau, rhaid i ni wneud ein penderfyniad ymhen 28 niwrnod ar ôl derbyn yr holl wybodaeth berthnasol, ond gallwn ofyn i chi gytuno ar gyfnod hwy.
Os NAD oes angen cymeradwyaeth
Os nad oes angen ein cymeradwyaeth gallwch ddechrau gweithio neu fe barhawn i brosesu’ch cais am gymorth grant/trwydded cwympo coed yn y ffordd arferol.
Os OES angen cymeradwyaeth
Os oes angen cytundeb ar gyfer y gwaith, rhaid i chi gyflwyno cais ar gyfer cymeradwyaeth os ydych am barhau â’r gwaith. Rhaid i’ch cais gynnwys datganiad amgylcheddol (gweler isod – Sut mae paratoi Datganiad Amgylcheddol).
Faint a gymer i benderfynu ar y Farn
Mae unrhyw benderfyniadau a wnawn ynghylch a oes angen i chi gael cymeradwyaeth ar gyfer y gwaith ai peidio yn parhau am gyfnod o bum mlynedd neu unrhyw gyfnod byrrach y byddwn yn ei nodi.
Asesu Effaith Prosiectau Coedwigaeth ar yr Amgylchedd (472k - pdf)
Sut mae paratoi Datganiad Amgylcheddol (635k - pdf)
Ffurflen Benderfyniad (73k - pdf)
