Grant Creu Coetir Glastir 0300 068 0300 bww.ts@forestry.gsi.gov.uk

Grant Creu Coetir Glastir 

Mae yna grant creu coetir newydd ar gael drwy Gomisiwn Coedwigaeth Cymru:

• Ar gyfer tirfeddianwyr ar draws Cymru sydd a dros 0.25 hectar o dir;
• Ar dir dynodwyd yn addas ar gyfer plannu newydd gan CCC a chyrff cadwraeth eraill yng Nghymru;
• Lle nad oes yna wrthdaro gyda chynlluniau amaeth amgylcheddol eraill.

	Pam plannu coed ar fy fferm? Bydd swyddogion Creu Coetir Glastir   ar gael i lunio eich cais ac mae’r gwasanaethau yn ddi-dâl i’r tirfeddiannwr.   Gellwch apwyntio swyddog eich hunan o'r rhestr ddethol CCC neu gofynwch i ni benodi un ar eich rhan.

• Gweld Gwyliwr Mapiau Newydd CCC
  Mae Gwyliwr Mapiau Comisiwn Coedwigaeth Cymru yn eich galluogi i chwilio am wybodaeth am goetiroedd a choedwigoedd Cymru. Gallwch arddangos amrywiaeth eang o wybodaeth ar y map, gan gynnwys mapiau plannu Creu Coetir Glastir.
• Tudalen Cyfarwyddyd Porwr Mapiau Creu coetiroedd Glastir: canllaw mapio a chymhwyster (PDF)
• Apelio Grantiau Creu Coetiroedd Glastir (PDF)

Faint o grant y gallaf ei gael?

• Grant sefydlu a delir dros dair blynedd (gweler y tabl isod)

• Grant ffensio o £3.15 y metr sy’n cynnwys lwfans ar gyfer giatiau a chamfeydd.
• Taliad am incwm a gollir a gaiff ei hawlio’n flynyddol gan ddefnyddio’r Ffurflen Cais Sengl (FfCS/SAF). Adwaenir hyn fel y Premiwm Creu Coetir. Gall ffermwyr hawlio £300 yr hectar y flwyddyn am 15 mlynedd, gall y rheiny nad ydynt yn ffermwyr hawlio £66 yr hectar y flwyddyn am 15 mlynedd.

 
Beth y dylwn i ei wneud nesaf?

Gallwch gael manylion llawn y cynllun drwy gysylltu â thîm Coetiroedd Glastir yn bww.ts@forestry.gsi.gov.uk neu drwy ffonio 0300 068 0300. 

Manylion Cyswllt:
Swyddogion prosiect cymeradwy cynllun creu coetir Glastir

Gallwch hefyd edrych ar reolau llawn cynllun Creu Coetir Glastir ar-lein.

Cyfeirnod Cwsmer (CRN)
Mae grantiau ar gael i bob tirfeddiannwr yng Nghymru. Fodd bynnag, bydd angen i chi gysylltu ag Is-adran Taliadau Gwledig Llywodraeth Cynulliad Cymru i gael Cyfeirnod Cwsmer (CRN) ac i gofrestru’r tir cyn gwneud cais am grantiau. Mae hyn oherwydd bod ein grantiau’n cael eu hariannu’r rhannol gan yr Undeb Ewropeaidd drwy Gynllun Datblygu Gwledig Cymru 2007-13, a bod yn rhaid bodloni rhai rheolau newydd. Un o’r rheolau hyn yw bod yn rhaid i bawb sy’n derbyn grantiau, wedi’u hariannu drwy’r Cynllun Datblygu Gwledig yng Nghymru, gael Cyfeirnod Cwsmer unigryw. Bydd pob Cyfeirnod Cwsmer yn cael ei gysylltu â set o fanylion talai y cyfeirir yr holl daliadau grant iddynt.
Os nad oes gennych Gyfeirnod Cwsmer, bydd angen i chi gofrestru am un cyn y gallwn gymeradwyo eich cynllun grant. I gofrestru, bydd angen i chi gysylltu â Swyddfa Ranbarthol leol y Cynulliad a gofyn am gopi o’r ffurflenni perthnasol. A fyddech cystal â hysbysu LlCC eich bod yn gwsmer coedwigaeth. Ni all y Comisiwn Coedwigaeth gofrestru ar eich rhan.
Os ydych chi’n ffermwr sy’n derbyn taliad fferm sengl, neu os ydych yn cymryd rhan mewn cynllun amaeth-amgylchedd, megis Tir Gofal, bydd gennych Gyfeirnod Cwsmer yn barod. (Mae’r rhif yn cychwyn gyda’r llythyren A, gyda saith digid yn dilyn, er enghraifft, A0044267.)
Mae’r grantiau newydd yn grantiau annibynnol o fewn Glastir.   
 

• Nid oes rhaid i chi fod yn ffermwr i wneud cais.
  Os ydych eisoes wedi gwneud cais am Elfen Cymru Gyfan (ECG/AWE) Glastir, gallwch ddal i wneud cais am ein grantiau Creu Coetir Glastir.                                                                                                                                  
• Ni fydd plannu gan ddefnyddio’r grantiau hyn yn cael unrhyw effaith ar gais i Elfen Cymru Gyfan Glastir yn y dyfodol.                                                                                                                                                                   
• Ni fydd yr ardal a blennir yn lleihau’r pwyntiau y gall tirfeddiannwr eu hawlio ar gyfer yr Elfen Cymru Gyfan oni bai ei fod ef/hi yn dewis hepgor ardaloedd coetir o gais Elfen Cymru Gyfan Glastir. 

Tudalennau cysylltiedig