Trwyddedau Cwympo Coed
I helpu diogelu coedwigoedd Cymru, rhaid cael trwydded cwympo coed gan Gomisiwn Coedwigaeth Cymru i gwympo coed.
Mae’n drosedd cwympo coed heb drwydded, oni bai bod y gwaith wedi’i eithrio.
Mae Arweiniad Cryno i’r broses gyffredinol ar gael a gallwch gyfeirio at y llyfryn Cwympo Coed - Cael Caniatâd (gweler isod). Eithriadau
Mae’n rhaid i bawb sy’n gysylltiedig â chwympo coed, y perchennog, asiant, masnachwr coed neu gontractwr, sicrhau bod trwydded wedi cael ei rhoi cyn gwneud unrhyw gwympo, os nad yw’r gwaith wedi’i eithrio. Cyfeiriwch at y dudalen Eithriadau i gael gwybodaeth am y mathau o dorri NAD oes angen cael trwydded ar eu cyfer. Gwneud cais am drwydded
Os nad yw’r gwaith yn dod o fewn un o’r eithriadau, rhaid i chi lenwi cais ar gyfer trwydded cwympo coed. Cosbau
Mae’n drosedd i gwympo coed heb drwydded os oes angen un. Os nad oes trwydded neu ganiatâd dilys arall, neu os torrir y coed anghywir, gall unrhyw un sydd gysylltiedig â hyn gael ei erlyn. Adolygwyd taflen 'Torri Coed: Gwybodaeth am dorri coed a'r gyfraith' gan Comisiwn Coedwigaeth Cymru er mwyn egluro rheoliadau cwympo coed ac i amlygu'r broblem o gwympo diawdurdod. Rheolaethau cyfreithiol eraill
Mae cwympo coed wedi’i reoli gan ddeddfwriaeth arall hefyd, megis Gorchmynion Cadw Coed a’r Rheoliadau Gwrychoedd yn bennaf. Gweinyddir y ddeddfwriaeth hon gan yr awdurdodau cynllunio lleol. Mae rheoliadau eraill ar gyfer symud coed. Gwybodaeth ychwanegol - Cynlluniau grant
Gellir gwneud cais i gwympo coed fel rhan o gais o dan gynllun grant. Nid oes angen trwydded gwympo ar wahân. Bydd trwydded gwympo yn cael ei rhoi gyda’r contract a roddir o dan y cynllun.
- Amodau ar drwydded cwympo coed
Bydd trwydded cwympo coed fel rheol yn cynnwys amodau bod yn rhaid i’r darn a dorrwyd gael ei ailstocio a bod yn rhaid i’r coed gael eu cynnal am gyfnod o ddim mwy na deng mlynedd. Bydd Comisiwn Coedwigaeth Cymru yn trafod unrhyw amod ailstocio a gynigir gyda’r ymgeisydd cyn rhoi trwydded. Dim ond o dan amgylchiadau eithriadol y rhoddir trwydded i gwympo coed heb fynnu bod y darn tir yn cael ei ailstocio. Asesir cais o’r fath o dan Reoliadau Asesu Effaith Amgylcheddol (Coedwigaeth) 1999. Bydd trwyddedau a roddir ar gyfer teneuo coed yn cael eu rhoi heb amod ailstocio.
- Gorchmynion Cadw Coed
Rhaid i chi ofyn i’r awdurdod lleol a oes Gorchymyn Cadw Coed mewn grym neu a yw’r coed mewn Ardal Gadwraeth.
- Gofynnwch i Gomisiwn Coedwigaeth Cymru bob amser os ydych chi’n meddwl nad oes angen trwydded arnoch
- Mae pawb sy’n gysylltiedig â chwympo coed yn gyfrifol am ddarganfod a oes angen trwydded
- Rhaid i ymgeiswyr ofyn i’r awdurdod lleol a oes Gorchymyn Cadw Coed mewn grym neu a yw’r coed mewn Ardal Gadwraeth
- Os nad oes trwydded neu ganiatâd dilys arall, neu os torrir y coed anghywir, gall unrhyw un sydd ynghlwm wrth hyn gael ei erlyn
Torri Coed - Cael Caniatâd (1748k - pdf)
Siarter Datganiad Safonol ar Drwyddedu Cwympo Coed (210k - pdf)
Cais am drwydded cwympo coed (126k - pdf)
Canllawiau bras ar gyfer cyfrifo cyfaint pren (70k - pdf)
'Cwympo Coed: Gwybodaeth ar gwympo coed a'r gyfraith (293k - pdf)
|