Mae Comisiwn Coedwigaeth Cymru’n cynnig amryw o leoliadau profiad gwaith ledled Cymru. Mae nifer cyfyngedig ar gael bob blwyddyn ac fe’u cynigir i bobl ifanc mewn addysg llawn amser.
Mae pob un o’n Lleoliadau Profiad Gwaith yn seiliedig ar Goedwigaeth ac maent yn cynnwys elfennau o’n gwaith amrywiol, fel:
- Hamdden
- Cynaeafu a Marchnata
- Gweithrediadau Coedamaeth
- Addysg
- Y Gymuned
- Peirianneg Sifil
- Cadwraeth
- Polisi a Gweinyddiaeth
- Ynni Adnewyddadwy
Gallwch ddarganfod mwy drwy ddarllen Datganiad i’r Wasg.
Sut i Wneud Cais
Mae’n Lleoliadau’n dilyn trefn ffurfiol ac mae angen cytundeb ffurfiol cyn bod rhaglen waith yn cael ei datblygu. Dynodir lletywr a mentor i bob lleoliad.
Os hoffech chi wneud cais llenwch y Ffurflen Gais a danfonwch i’r Trefnydd Lleoliadau Gwaith Ffion Hughes neu Ffôn 0300 068 0300.
Ddim mewn addysg llawn amser?
Prentisiaethau
Ar hyn o bryd mae prentisiaethau ffurfiol ar gael drwy’r Comisiwn Coedwigaeth yn Lloegr a’r Alban.
Nid yw Comisiwn Coedwigaeth Cymru’n cynnig cyfleoedd prentisiaeth ar hyn o bryd. Cysylltwch â Gyrfa Cymru neu LANTRA, y cyngor sgiliau sector ar gyfer coed a phren.
Efallai y bydd contractwyr coedwigaeth a choetir yn cynnig cyfleoedd prentisiaeth – mae Comisiwn Coedwigaeth Cymru yn annog hyn drwy’n Contractau Cynaeafu Tymor Hir. Bydd angen i chi gysylltu â’r contractwyr unigol i gael gwybod am y cyfleoedd hyn.
Gwirfoddoli
Os nad ydych mewn addysg llawn amser ond yr hoffech ddysgu am waith Comisiwn Coedwigaeth Cymru mae gennym gyfleoedd gwirfoddoli ar gael weithiau. Am ragor o wybodaeth am wirfoddoli cysylltwch â Richard Davies.
