Strategaeth
Yn dilyn ymgynghoriad cyhoeddus eang, cyhoeddwyd Coetiroedd i Gymru, sef strategaeth ddiwygiedig Llywodraeth Cynulliad Cymru ar gyfer coetiroedd a choed ym mis Mawrth 2009. Mae hyn yn nodi'r amcanion a nodau ar gyfer yr oll coetiroedd a choed yng Nghymru - mewn perchnogaeth gyhoeddus a phreifat.
Mae’r strategaeth a gyhoeddwyd yn wreiddiol yn 2001 yn gosod cynllun 50 mlynedd ar gyfer coetiroedd a choed a sut y gall pobl Cymru fanteisio arnynt. Mae’r strategaeth yn ystyried eu swyddogaeth o ran cyflawni buddion cymdeithasol, economaidd ac amgylcheddol a hefyd y cyfraniad y gallant ei wneud at fynd i’r afael ag effeithiau newid yn yr hinsawdd.
Ystyrir yr holl goed yng Nghymru yn y strategaeth, nid y rhai yng nghefn gwlad yn unig ond y rhai mewn ardaloedd trefol hefyd.
Mae’r strategaeth wedi’i fframio ar goetiroedd a choed Cymru ac yn sail i gyflawni ar draws pedair thema strategol, sef:
- Ymateb i newid yn yr hinsawdd – ymdopi â newid yn yr hinsawdd a helpu i leihau ein hôl-troed carbon.
- Coetiroedd i bobl – gwasanaethu anghenion lleol o ran iechyd, addysg a swyddi
- Sector coedwig cystadleuol ac integredig – diwydiannau arloesol, hyfedr yn cyflenwi cynhyrchion adnewyddadwy o Gymru
- Ansawdd amgylcheddol – yn gwneud cyfraniad cadarnhaol at fioamrywiaeth, tirweddau a threftadaeth, a lleihau pwysau amgylcheddol eraill.
O’r dudalen hon, gallwch lawrlwytho:
Fydd Polisi Coedwigaeth Llywodraeth Cynulliad Cymru yn rhoi rhagor o gefndir a thystiolaeth ar gyfer y canlyniadau a geisir yn Strategaeth Coetiroedd i Gymru , LlCC
Cynllun Gweithredu
Mae Cynllun Gweithredu Coetiroedd i Gymru (Adolygwyd ym mis Mawrth 2012) yn gosod ger bron yr hyn a gynllunnir dros y pum mlynedd nesaf i sicrhau cynnydd at gyflawni amcanion Coetiroedd I Gymru, strategaeth 50 mlynedd, coed a choetiroedd Llywodraeth Cynulliad Cymru (WAG).
Prosiect Ymchwil Ystad Coetiroedd Llywodraeth y Cynulliad
Yn Rhagair Coetiroedd i Gymru, comisiynodd Elin Jones (y Gweinidog dros Faterion Gwledig), astudiaeth i rôl y coetiroedd sy’n eiddo cyhoeddus o ran cyflwyno’r strategaeth. Datblygom hon ar ffurf Prosiect Ymchwil yn ystod 2010 a cheir crynodeb o’r prif ganfyddiadau yma.
Dangosyddion Coetiroedd i Gymru
Mae Dangosyddion Coetiroedd i Gymru (Adolygwyd ym mis Mehefin 2012) yn gosod y dangosyddion rydym yn ei ddefnyddio i fesur y cynnydd at gyflawni'r 20 canlyniad lefel uchel sydd wedi cael ei osod allan yn y Coetiroedd i Gymru.
Mae'r Dangosyddion CiG gwreiddiol wedi ei storio yn y wybodaeth Archif uchod.
Fe ddisgrifir 23 o ddangosyddion, sy'n gyfatebol i'r rhestr gwelir ar dudalennau 54 a 55 o Goetiroedd i Gymru. Rydym yn medru adrodd yn llawn ar rai o'r dangosyddion, ac mae'r gweddill yn dal i'w cael eu datblygu. Lle bynnag ag y bo modd, mae'r dangosyddion wedi cael eu datblygu fel gall y tueddiadau cael eu dilyn am einioes 50 mlynedd Coetiroedd i Gymru. Fyddwn yn diweddaru'r adroddiad yma'n aml.
National Forestry Inventory yn darparu gwybodaeth bellach ar ardaloedd o diroedd coediog yng Nghymru: http://www.forestry.gov.uk/inventory
Os ydych am fwy o wybodaeth am Coetiroedd i Gymru cysylltwch â: fcwenquiries@forestry.gsi.gov.uk
Gallwch ffonio Comisiwn Coedwigaeth Cymru am fwy o wybodaeth hefyd ar 03000 680300.
