Coedwigoedd a Dŵr

 

Prosiect: Mae ardal blaen Hafren wedi bod yn llwyddiannus i sicrhau nawdd o £331,000 o Amcan 2 Dwyrain Cymru a Rhaglen Drosiannol Cronfa Datblygu Ranbarthol Ewropeaidd.
Fe fydd yn:

• Cyfrannu i ostyngiad asideiddio nentydd sydd yn cyflenwi’r Afon Hafren, drwy gael gwared â choed conwydd o lannau’r afon.
• Creu cynefinoedd gwlypdir newydd ar gyfer rhywogaethau fel dyfrgwn, trochwyr, glas y dorlan a llygod y dŵr.
• Gweithio gyda ffermwyr i annog dulliau ffermio cynaliadwy
• Cael gwared ag atalfeydd synthetig a osodwyd yn silfa eogiaid dalgylchoedd Efyrnwy a blaen Hafren.
• Gwella magwraeth ac ailstocio eogiaid yn neorfa Clywedog.
• Gweithio gyda ffermwyr a thirfeddianwyr yn nalgylchoedd Efyrnwy er mwyn lleihau taenu llygredd, er enghraifft drwy osod ffensys ar hyd glannau’r afon i gadw anifeiliaid ymaith.
• Gwella rhannau o Lwybr Hafren (taith hirbell traws-cenedlaethol).
• Cynllunio, argraffu a dosbarthu ffurflenni a byrddau dehongli dwyieithog i rannau o Lwybr Hafren sydd yn mynd drwy Bowys.

Lleoliad: Parthau uchaf Afon Hafren ac Afon Efyrnwy, Coedwig Hafren, Ardal Goedwig Coed y Gororau.

Pam: Nod y prosiect yw sicrhau fod parthau uchaf Afon Hafren ac Afon Efyrnwy a chynefinoedd cysylltiedig yn iach, cynhyrchiol ac amrywiol fiolegol. Fe fydd yn darparu adnodd naturiol cynaliadwy, gwerthfawr fydd yn denu twristiaid ac yn helpu i wella’r economi lleol.

Pwy: Mae’r prosiect yn bartneriaeth rhwng Asiantaeth yr Amgylchedd, Comisiwn Coedwigaeth Cymru, Ymddiriedolaeth Bywyd Gwyllt Sir Drefaldwyn, Cyngor Sir Powys, Severn Trent Water Ltd., Grŵp Ymgynghori Ffermio a Bywyd Gwyllt Cymru, Cyngor Cefn Gwald Cymru, Clwb Pysgota Llanidloes, a’r Canolfan Ecoleg a Hydroleg.