Agorwyd y pump o ganolfannau beicio mynydd o safon fyd-eang sydd gan Gomisiwn Coedwigaeth Cymru ar 12 Mawrth, 2003.
Ers hynny, tyfodd eu henw da, gan drawsffurfio Cymru yn fecca ar gyfer beicwyr mynydd brwd o bell ac agos, sy’n dod â miliynau o bunnoedd i economi Cymru bob blwyddyn.
Mae ein llwybrau yn cynnwys rhai a adeiladwyd yn bwrpasol, traciau sengl cyfeirbwyntiol, llwybrau ysgafn i deuluoedd, a llwybrau gafael yn dynn i lawr y gelltydd – nid ar gyfer y gwangalon!
Mae pob llwybr ychydig yn wahanol i’w gilydd ac wedi ei gynllunio i adlewyrchu’r dirwedd a’r tiroedd o’i amgylch, gan gynnig profiad amrywiol a di-gymar trwy’r ucheldir mwyaf prydferth y dewch chi o hyd iddo yn unrhyw le.
(Llwythwch i lawr gopïau o’r canllawiau llwybr).
Yn gefn i’r llwybrau mae canolfannau ymwelwyr gyda chaffis yn cynnig prydau a byrbrydau cynnes, yn ogystal â chyfleusterau angenrheidiol fel golchfeydd beiciau.
Cynllun Gweithredu Strategol Comisiwn Coedwigaeth Cymru ar gyfer Beicio Mynydd 2005-2007
Mae’r map hwn yn seiliedig ar ddeunydd yr Arolwg Ordnans gyda chaniatâd yr Arolwg Ordnans ar ran rheolwr Swyddfa Llyfrfa Ei Mawrhydi © Hawlfraint y Goron. Mae atgynhyrchu heb ganiatâd yn troseddu yn erbyn Hawlfraint y Goron a gall arwain at erlid neu achos sifil. Comisiwn Coedwigaeth, Rhif Trwydded OS 100025498.