Ynglŷn â Chomisiwn Coedwigaeth Cymru

 

Mae Comisiwn Coedwigaeth Cymru’n gweithredu fel Adran Goedwigaeth Llywodraeth Cynulliad Cymru (LLCC). Rydym yn atebol am reoli 38% o’r coetiroedd ym mherchnogaeth y Cynulliad.

Rydym yn cynghori ar ddatblygiad y polisi coedwigaeth a’i weithrediad, ar ei ran. Y tu allan i’r coetiroedd sydd ym mherchnogaeth y Cynulliad, anogwn reolaeth coetir gynaliadwy trwy gymhellion grantiau a rheoleiddio gan gynnwys rhoi trwyddedi ar gyfer cwympo ac ailblannu.

Elin Jones yw’r Gweinidog Cynulliad gyda chyfrifoldeb dros goedwigaeth.

Datganiad o Genhadaeth

Ein cenhadaeth yw helpu cyflawni 'Coed Campus Cymru Campus' fel y gwelwyd yn y Cynllun Corfforaethol (PDF, 200kb).

Ariannu

Yn ogystal i ariannu o Lywodraeth Cynulliad Cymru rydym yn creu incwm o goetiroedd y Cynulliad drwy gynaeafu coed a gweithgareddau eraill.

Gweithio gyda Llywodraeth Cynulliad Cymru

Cawn ein cyfarwyddo gan Weinidogion Cymru drwy ein Bwrdd Comisiynwyr a Phwyllgor Cenedlaethol Cymru.

Gweithiwn yn agos â Llywodraeth Cynulliad Cymru, ac Adran Materion Gwledig yn benodol i gyflawni 'Coetiroedd i Gymru', Strategaeth ar gyfer Coed a Choetiroedd y Cynulliad Cenedlaethol (sydd yn bresennol o dan adolygiad), ochr yn ochr â’r llu o bartneriaid eraill yn y sector cyhoeddus, preifat a gwirfoddol. Ffurfiwyd y Panel Ymgynghorol ar y Strategaeth Coetiroedd yn 2005 i gynghori Pwyllgor Cenedlaethol Cymru ar ddatblygu polisïau coedwigaeth a monitro Coetiroedd i Gymru.